په نړيواله کچه د ډيويډ بيرگ په نامه د ژورناليزم ادارې د۲۰۱۰ کال د خبريالۍ غوره جايزه يوه افغان خبريال ته ورکړه. د ژورناليزم دغه نړيواله اداره، چې هر کال په نړيواله کچه غوره شويو خبر يالانو ته جايزې ورکوي،
په نړيواله کچه د ډيويډ بيرگ په نامه د ژورناليزم ادارې د۲۰۱۰ کال د خبريالۍ غوره جايزه يوه افغان خبريال ته ورکړه.
د ژورناليزم دغه نړيواله اداره، چې هر کال په نړيواله کچه غوره شويو خبر يالانو ته جايزې ورکوي، سږکال يې د افغانستان په گډون د پنځو هېواد ونو غوره شويو خبريالانو ته جايزې ورکړي.
دغه افغان خبريال دواخان مينه پال دى، چې د ازادۍ راډيو له پښتو څانگې سره يې په جنوب لويديځه حوزه کې پنځه کاله کار کړى دى.
په دې اړه نن په کندهار پرېس کلب کې د کندهار د پرېس کلب مسؤل فضل الرحمن خبريالانو ته وويل، چې دغه جايزه هغه خبريال ته ورکول کيږي، چې په ډېرو سختو حالاتو کې د بيان ازادۍ، ولسواکۍ او د بشر حقوقو د ساتنې لپاره يې کار کړى وي.
د يادونې وړ ده، چې د ژورناليزم نړيواله اداره غوره شوې جايزه په لومړي ځل يو افغان خبريال ته ورکوي.
دا په داسې حال کې ده، چې لا اوس هم افغا ن خبريالان په ډېرو سختو حالاتو کې دندې تر سره كوي.
کلید ګروپ په ټویټر او فیسبوک کې وګورئ
