د سوېډن څارنوالانو د ويکي لېکس انټرنټي پاڼې د مؤسېس جوليان اسانژ د نيولو حکم لغو کړى. دوى وايي پر نوموړي د جنسي تېري شکونه بې اساسه دي.
د سوېډن څارنوالانو د ويکي لېکس انټرنټي پاڼې د مؤسېس جوليان اسانژ د نيولو حکم لغو کړى.
دوى وايي پر نوموړي د جنسي تېري شکونه بې اساسه دي.
تر دې مخکې څارنوالانو د جنسي تېري او ځورونې په تور د اسانژ د نيولو حکم صادر کړى و.
ويکي لېکس غوغا پاروونکې انټرنيټ پاڼې په افغانستان او عراق کې د امريکايي پوځيانو اړوند په زرګونه پټ اسناد افشا کړل.
اسانژ ويلي، پر ده لګول شوي تورونه بې اساسه او په اوسني وخت کې دغه ورته ډېر ځوروونکي دي.
نوموړي ويلي، د افغانستان د جګړې په اړه به ډېر ژر ١٥ زره نور پټ اسناد هم په خپله انټرنټي پاڼه کې افشا کړي.
کلید ګروپ په ټویټر او فیسبوک کې وګورئ
