د اروزګان د دهراوود ولسوالۍ چارواکو پرون په دې ولايت کې د يوه ١٣ کلن ځانمرګي بريد کوونکي د نيولو خبر ورکړ. د دهراوود ولسوال خليفه سعادت رسنيو ته وويل، چې نيول شوى ماشوم د هلمند ولايت د زمينداور اوسېدونکى دى.
د اروزګان د دهراوود ولسوالۍ چارواکو پرون په دې ولايت کې د يوه ١٣ کلن ځانمرګي بريد کوونکي د نيولو خبر ورکړ.
د دهراوود ولسوال خليفه سعادت رسنيو ته وويل، چې نيول شوى ماشوم د هلمند ولايت د زمينداور اوسېدونکى دى.
نوموړي زياته كړه، چې دغه ماشوم د ځانمرګي بريد لپاره قوماندانۍ ته څېرمه په يوه هټۍ کې د ځانمرګي بريد د واسکټ اغوستو پر مهال ونيول شو.
سرچينه زياتوي، چې له دې ماشوم سره دوه تنه نور هم وو، خو هغوى په تېښته بريالي شوي دي .
د سعادت په وينا، نيول شوي ماشوم اعتراف کړى، چې د ولسوالۍ پر امنيه قوماندانۍ يې د ځانمرګي بريد قصد درلود.
نږدې درې مياشتې وړاندې هم په دهراوود ولسوالۍ کې يو ١٣ کلن ماشوم، چې د ځانمرګي بريد واسکټ يې پر ځان و او غوښتل يې پر ولسوال بريد وكړي ، د پوليسو په ډزو ووژل شو.
کلید ګروپ په ټویټر او فیسبوک کې وګورئ
