جمهور رئيس حامد کرزى د سه شنبې په ورځ د يوه لوړ پوړي پلاوي په مشرۍ د روسيې، افغانستان، پاکستان او تاجکستان د مشرانو په څلور اړخيزه غونډه کې د ګډون په هدف روسيې ته ولاړ.
جمهور رئيس حامد کرزى د سه شنبې په ورځ د يوه لوړ پوړي پلاوي په مشرۍ د روسيې، افغانستان، پاکستان او تاجکستان د مشرانو په څلور اړخيزه غونډه کې د ګډون په هدف روسيې ته ولاړ.
د جمهوري رياست له مطبوعاتي دفتر په خپره شوې خبرپاڼه كې ويل شوي، چې دغه سفر د روسيې د جمهوررئيس ديمتري مېدېودف په بلنه ترسره شوى دى.
خبرپاڼې زياته کړې ده، چې حامد کرزى به په دغه سفر کې د پاکستان او روسيې له جمهور رئيسانو سره په ځانګړې توګه ليدنه وکړي.
خبرپاڼه کې راغلي دي، چې د هېواد جمهور رئيس به په دغې څلور اړخيزې لومړنۍ غونډه کې وينا وکړي.
د يادې دوه ورځنۍ غونډې د خبرو اترو منځپانګه، د سيمې د حالاتو د ښه والي په خاطر دسيمه ييزو همکاريو پراختيا، د امنيت ټينګښت او د ترهګرۍ او نشه يي توکو پر وړاندې مبارزه ده.
په هغې خبرپاڼه کې، چې د کريملېن له خوا خپره شوې راغلي دي، چې ياده ناسته د زمري په ٢٧مه په مسکو کې جوړېږي.
کلید ګروپ په ټویټر او فیسبوک کې وګورئ
