د ماليې وزير ډاکټر حضرت عمر زاخېلوال د سه شنبې په ورځ د يادو پيسو د سپارلو پر مهال خبريالانو ته وويل، چې افغان حکومت او خلک د پاکستان په درد او غم کې ځان شريک بولي او د يادې مرستې له لارې د پاکستان له ملت سره خپله همدردي څرګندوي.
زاخېلوال، پر افغان پانګه والو غږ وکړ، چې له ګاونډي هېواد پاکستان او په هغه هېواد کې له هغو افغان کډوالو سره، چې د سېلابونو له كبله بې کوره شوي او يا زيانمن شوي دي، له خپل توان سره سم مرستې وکړي.
د وروستيو راپورونو له مخې، په تېرو نږدې درې اوونيو کې د پاکستان په بېلابېلو سيمو کې سېلابونو شل ميليونه وګړي زيانمن کړي او نږدې دوه زره تنو يې له كبله ژوند له لاسه ورکړى.
کلید ګروپ په ټویټر او فیسبوک کې وګورئ
