په جنوب ختيځ زون كې د روان لمريز كال د زمري د مياشتې په اتمه نېټه د شمشېر په نوم ګډ عمليات د ملي اردو، ملي او سرحدي پوليسو او بهرنيو ځواكونو له خوا پيل او لا روان دي .
په جنوب ختيځ زون كې د روان لمريز كال د زمري د مياشتې په اتمه نېټه د شمشېر په نوم ګډ عمليات د ملي اردو، ملي او سرحدي پوليسو او بهرنيو ځواكونو له خوا پيل او لا روان دي .
د (۲۰۳) تندر قول اردو قومندان تورن جنرال عبدالخالق وايې د عملياتو په ترڅ كې يې (۵۹) وسله وال وژلي، چې (۱۲) يې بهرنيان دي .
د عبدالخالق په وينا په عملياتو كې يې دوه تنه وسله وال او يو شمېر وسلې هم نيولې دي .
د دغو عملياتو ډيرى برخه د پكتيا د ځدراڼو په غرنيو سيمو كې شوې، چې د ګردې څيړۍ د سورې خيلو سيمه يې اصلي مركز وو.
څو ورځې وړاندې په جنوب ختيځ زون كې د بهرنيو ځواكونو د مطبوعاتي دفتر په يوه علاميه كې ويل شوي وو، چې په ياده سيمه كې يې (۲۰) تنه وسه وال طالبان وژلي دي .
خو طالب وياند ذبيح الله مجاهد وايي، چې د ځدراڼو په سيمه كې د دوى شپږ ملګري په هوايي بريد كې وژل شوي.
مجاهد دا هم وايې كه تر دې زيات كسان وژل شوي وي، هغه به ولسي خلك وي.
د امنيتي چارواكو په وينا، پتېل شوې وه، چې عمليات به (۱۰) ورځې دوام وكړي، خو د شته امنيتي خنډونو له امله پسې و غځېدل .
د شمشېر په نوم عمليات، چې د جنوب ختيځ زون په څلورو ولايتونو كې د را روانو ټولټاكنو د ښه تر سره كېدو په موخه پيل او لا روان دي .
په يادو عملياتو كې چارواكې د (۵۹) تنو وسله والو د وژل كېدو خبر په داسې حال كې وركوي، چې ولسمشر حامد كرزي له وسله والو څخه د روژې د مباركې مياشتې په درناوي د نښتو د ودرېدو غوښتنه كړې ده .
کلید ګروپ په ټویټر او فیسبوک کې وګورئ
