د ملي دفاع وزارت په بېلا بېلو علمياتو کې د اوو وسلوالو طالبانو د وژلو او پنځو شکمنو کسانو د نيولو خبر ورکړ. د ياد شوي وزارت د مطبوعاتي دفتر لخوا په خپره شوې خبرپاڼه کې ويل شوي، چې دغه عمليات د کندهار په ژېړۍ، د پکتيا په زرمت او د زابل په شاه جوى ولسواليو کې ترسره شوي دي.
د ملي دفاع وزارت په بېلا بېلو علمياتو کې د اوو وسلوالو طالبانو د وژلو او پنځو شکمنو کسانو د نيولو خبر ورکړ.
د ياد شوي وزارت د مطبوعاتي دفتر لخوا په خپره شوې خبرپاڼه کې ويل شوي، چې دغه عمليات د کندهار په ژېړۍ، د پکتيا په زرمت او د زابل په شاه جوى ولسواليو کې ترسره شوي دي.
په خبرپاڼه کې زياته شوې، چې دغه عمليات د بګرام د ځانګړې قطعې او د ايتلافي ځواکونو د ځانګړې قطعې د ځواکونو لخوا په ګډه په لاره اچول شوي وو.
د ملي دفاع وزارت ويلي، چې د دې عملياتو په ترڅ کې اوه وسلوال مخالفين وژل شوي او پنځه نور شکمن کسان نيول شوي دي .
په خبرپاڼه کې په دې عملياتو کې د ملي اردو د دوو سرتېرو د ټپي کېدو خبر هم ورکړل شوى دى .
کلید ګروپ په ټویټر او فیسبوک کې وګورئ
