نن سهار ۹ بجې د بمي چاودنې له امله د هرات ولايت په ګلران ولسوالۍ كې ۳ سرحدي پوليس مړه او ۱ بل ټي شو. پېښه هغه مهال رامنځته شوه، كله، چې د يادو پوليسو موټر د ګلران ولسوالۍ په چاه تخته سيمه كې د سړك د غاړې پر ماين وخوت.
نن سهار ۹ بجې د بمي چاودنې له امله د هرات ولايت په ګلران ولسوالۍ كې ۳ سرحدي پوليس مړه او ۱ بل ټي شو.
پېښه هغه مهال رامنځته شوه، كله، چې د يادو پوليسو موټر د ګلران ولسوالۍ په چاه تخته سيمه كې د سړك د غاړې پر ماين وخوت.
په لويديځ كې د څلورم سرحدي زون د قوماندانۍ د كشف امر رسنيو ته ويلي، چې دغه سرتيرو اكمالات لېږدول، چې پر لاره له دغې پېښې سره مخ شول.
نوموړي زياته كړه، په دغه پېښه كې ۳ سرتيري مړه او ۱ بل ټپي شوى دى.
د پېښې پړه طالبانو پر غاړه اخستې او ادعا يې كړې، چې په پېښه كې ۵ سرتيري وژلي دي.
د ګلران ولسوالۍ يوه سرحدي ولسوالۍ ده، چې د ايران په ګډه پوله پرته ده.
کلید ګروپ په ټویټر او فیسبوک کې وګورئ
