په كابل كې د مېشتو ايساف ځواكونو په خپره شوې اعلاميه كې راغلي، چې د هېواد په جنوب كې يې دوه سرتېري د يوې چاودنې په ترڅ كې وژل شوي دي.
په كابل كې د مېشتو ايساف ځواكونو په خپره شوې اعلاميه كې راغلي، چې د هېواد په جنوب كې يې دوه سرتېري د يوې چاودنې په ترڅ كې وژل شوي دي.په اعلاميه كې د دغو سرتېرو د هويت او د پېښې د كره ځاى په اړه څه نه دي ويل شوي.
دا په داسې حال كې ده، چې له دې پېښې يوه ورځ مخكې پنځه بهرني سرتېري د افغانستان په جنوب او ختيځ كې ووژل شول.
د يو بل خبر له مخې د كندهار ښار په لومړۍ ناحيه كې په يوه راكټي بريد كې شپږ ملكي كسان ټپيان شوي.
د كندهار ولايت مطبوعاتي دفتر وايي، چې راكټ تېره شپه په يوه كور لګيدلى او ټپيان ټول د يوې كورنۍ غړي دي.
د پېښې پړه لا چا پر غاړه نه ده اخيستې.
کلید ګروپ په ټویټر او فیسبوک کې وګورئ
