وسلوالو طالبانو د بادغيس په قادس ولسوالۍ کې يوه ٤٨ کلنه ښځه په دار وځړوله. دغه خبره د بادغيس ولايت په قادس خوردک سيمه کې د طالبانو يوه سيمه ييز قوماندان ملا محمد يوسف نن سهار رسنيو ته کړې.
وسلوالو طالبانو د بادغيس په قادس ولسوالۍ کې يوه ٤٨ کلنه ښځه په دار وځړوله.
دغه خبره د بادغيس ولايت په قادس خوردک سيمه کې د طالبانو يوه سيمه ييز قوماندان ملا محمد يوسف نن سهار رسنيو ته کړې.
د نوموړي په وينا، دغه ښځه بيدي صنم نومېدله او د قادس ولسوالۍ د قادس خوردک سيمې اوسېدونکې وه، چې د امېدوارۍ په تور په دار وځړول شوه.
ويل كېږي، يادې ښځې مړ ماشوم زېږولى و.
د يوسف د معلوماتو له مخې، د يادې ښځې خاوند ٤ کاله پخوا مړ شوى، دوه زامن يې په ايران کې کډوال دي او مېرمنې يواځې ژوند کاوه.
د سرچينې په وينا، د دغې ښځې د اعدام حکم د هغې سيمې د طالبانو د يوه قاضي له خوا، چې قاضي احمد نومېږي صادر شوى دى.
عبدالواحد د يادې ولسوالۍ اوسېدونکى وايي، چې ياده ښځه کونډه وه.
هغه د دغې ښځې د امېدوارۍ د تاييد ترڅنګ وويل، چې هغه بايد اعدام شوې نه واى، بلکې بله سزا ورته ټاکل شوې واى
کلید ګروپ په ټویټر او فیسبوک کې وګورئ
