د ويکي ليکس بنسټ اېښودونکي د امريکا د دفاع وزير څرګندونې رد کړې. د دې ويب پاڼې موسس د افغانستان د جګړې په اړه له خپرو کړيو اسنادو دفاع کوي.
د ويکي ليکس بنسټ اېښودونکي د امريکا د دفاع وزير څرګندونې رد کړې.
د دې ويب پاڼې موسس د افغانستان د جګړې په اړه له خپرو کړيو اسنادو دفاع کوي.
د ويکي ليکس موسس جوليان اسانګ، چې خپله اسټراليايي دى، د شنبې په ورځ يې يو بيان خپور کړ او د رابرټ ګېټس دا خبره يې رد کړه، چې د سندونو خپرېدل د افغانستان پر جګړې ناوړه اغېز کوي، په تېره بيا پر بهرنيو او افغان ځواکونو، ځکه چې ډېر پټ اجرا آت شوي دي.
اسانګ د ګيټس د خبرو په اړه وويل، د امريکا دفاع وزير او نوره حکومتي اداره بايد د دې پر ځاي چې د استخباراتو غم کوي راوړاندې دې شي او د هغو کارونو تحقيقات دې وکړي چې په افغانستان کې څه شوي دي.
اسانګ زياته کړه چې د امريکا دفاع وزير د دې پر ځاي چې د خپرو شويو سندونو په خپريدو خپګان وكړي ورته پکار دي چې دافغانستان له ولسه بښنه وغواړي. د ويکي ليکس موسس زياته کړه چې دبشري حقونو په برخه کې به د دوې ويب پانه خپلو هڅو ته دوام ورکوي.
کلید ګروپ په ټویټر او فیسبوک کې وګورئ
