چارواکي وايي، چې د طالبانو د واکمنۍ په موده کې د ملاعمر وياند ملاعبدالحي مطمئن له څو تنو نورو طالبانوسره وړمه شپه د غزني په اندړ ولسوالۍ کې د يو لړ عملياتو په ترڅ کې نيول شوى دى.
چارواکي وايي، چې د طالبانو د واکمنۍ په موده کې د ملاعمر وياند ملاعبدالحي مطمئن له څو تنو نورو طالبانوسره وړمه شپه د غزني په اندړ ولسوالۍ کې د يو لړ عملياتو په ترڅ کې نيول شوى دى.
ملاعبدالحي مطمين وروسته له دې، چې مولوي عبدالوکيل متوکيل د طالبانو د باندنيو چارو وزير وټاکل شو ان تر ۲۰۰۱ کال تر پايه پورې، چې د امريکا په مشرۍ د نړيوالو ځواکونو د عملياتو په نتيجه کې د طالبانو رژيم وپرزېد د ملاعمر وياند وو.
د غزني د امنيې قومندان خيال باز شېرزوى هم په اندړ ولسوالۍ کې د وړمې شپې د عملياتو په ترڅ کې د اوو تنو طالبانو د نيولو خبره تائيدوي، خو وايي، دى نه پوهېږي، چې د هغوي په منځ کې عبدالحي مطمئن هم شامل دى او کنه.
د نوموړي په وينا، ورته ويل شوي، چې مطمئن هم په نيول شويو کسانو کې شامل دى، خو دى دا خبره نه تائيدوي او نه يې هم ردوي.
خو د اندړ ولسوال شېرخان يوسفزي د دغو کسانو نيونه تائيد کړې ده.
هغه ويلي، چې مطمئن او نور نيول شوي کسان، چې درې يې مهم قومندانان دي، په غزني کې د ايتلافي ځواکونو په توقيف کې دي.
کلید ګروپ په ټویټر او فیسبوک کې وګورئ
