په جوزجان ولايت كې د ملي اردو ۳ سرتيرو ته هغه مهال مرګ ژوبله واوښته، چې موټر يې د سړك د غاړې پر ايښودل شوي ماين برابر شو.
په جوزجان ولايت كې د ملي اردو ۳ سرتيرو ته هغه مهال مرګ ژوبله واوښته، چې موټر يې د سړك د غاړې پر ايښودل شوي ماين برابر شو.ياده پېښه تېره ورځ د جوزجان ولايت په قوش تپه ولسوالۍ كې رامنځته شوه.
د جوزجان ولايت امنيه قوماندان مل پاسوال عبدالعزيز غيرت كليد ته د ټليفون پر ليكه وويل، چې تېره ورځ له غرمې وروسته د ملي اردو يو سترتېرى هغه مهال مړ او ۲ نور ټپيان شول، چې موټر يې د سړك د غاړې پر ماين وخوت.
د پېښه پړه وسله والو طالبانو پر غاړه اخيستې او په اړه يې رسنيو ته ويلي، چې په دغه پېښه كې يې د ملي اردو يو ټانګ او پكې سپاره ټول سرتيري له منځه وړي.
د يادونې وړ ده، چې له درې ورځو راهيسې، د جوزجان ولايت په درزاب او قوش تپه ولسواليو كې د امنيتي ځواكونو او وسله والو مخالفينو ترمنځ جګړه روانه ده، چې د چارواكو په وينا، تر دا مهاله يې څو كلي له مخالفينو پاك كړي دي.
کلید ګروپ په ټویټر او فیسبوک کې وګورئ
