د کابل پر نړيوال هوايي ډګر تېره شپه پنځه توغندي وتوغول شول، خو هېڅ ډول زيان يې نه دى اړولى. دا بريد په داسې حال کې کېږي، چې نن د نړيوال کنفرانس کوربه دى، چې تر ۷۰ د زياتو هېوادونو او نړيوالو موسسو استازي ورته رابلل شوي دي.
د کابل پر نړيوال هوايي ډګر تېره شپه پنځه توغندي وتوغول شول، خو هېڅ ډول زيان يې نه دى اړولى.
دا بريد په داسې حال کې کېږي، چې نن د نړيوال کنفرانس کوربه دى، چې تر ۷۰ د زياتو هېوادونو او نړيوالو موسسو استازي ورته رابلل شوي دي.
د کابل هوايي ډګر د سرحدي پوليسو قوماندان مل پاسوال محمد اصف جبارخېل رسنيو ته وويل، چې پر هوايي ډګر د شپې شاوخوا ١١ بجې بريد وشو.
د نوموړي په وينا، له دغو توغنديو څخه دوه يې د هوايي ډګر په منځ او درې نور يې له هوايي ډګر څخه د باندې، قصبې ته نږدې ريګ رېشن سره لګېدلي دي.
هغه وويل، چې تراوسه د توغنديو د توغولو ځاى نه دى معلوم شوى.
د نوموړي په وينا، له هوايي ډګر څخه د باندې لګېدلو توغنديو څخه يو نه دى چاودېدلى.
طالبانو، د کابل پر هوايي ډګر د بريد مسووليت پر غاړه اخيستى دى.
کلید ګروپ په ټویټر او فیسبوک کې وګورئ
