د فراه ولايت له مركزي زندان څخه تېره شپه ۱۴ تنه بنديان هغه مهال وتښتېدل، چې وسله والو طالبانو په ياد زندان بمي بريد وكړ. د فراه ولايت د والي مرستيال محمد يونس رسولي كليد ته وويل،
د فراه ولايت له مركزي زندان څخه تېره شپه ۱۴ تنه بنديان هغه مهال وتښتېدل، چې وسله والو طالبانو په ياد زندان بمي بريد وكړ.
د فراه ولايت د والي مرستيال محمد يونس رسولي كليد ته وويل، چې تېره شپه دوې بجې دېرشو وسله والو طالبانو لومړى د فراه ولايت په ښار كې پرڅلورو امنيتي پوستو وسلوال بريد وكړ او وروسته يې د ياد زندان يو دېوال په بمونو ونړاوه.
د نوموړي په وينا، د دېوال له نړېدو سره سم شلو بنديانو د تيښتې هڅه وكړه، چې ۱۴ تنه يي په تېښته بريالي شول او شپږ نور يي د ملي اردو لخوا ونيول شول.
رسولي زياته كړه، اوس مهال وضعيت تر كنترول لاندې دى او امنيتي ځواكونو د تښتېدلو بنديانو د پيدا كولو په لټه كې دي.
وسله والو طالبانو د دغه بريد مسووليت په خپله غاړه اخيستى دى.
د يادولو وړ ده، چې له دې وړاندې هم په نوموړي زندان باندې ورته بريد شوى و او يو شمېر بنديان تر په تېښه بريالي شوي وو.
کلید ګروپ په ټویټر او فیسبوک کې وګورئ
