په ننګرهار کې د يوې ترافيکي پېښې له امله دوه تنه مړه او ديارلس نور ټپيان شول. د دې ولايت د ترافيکو مديرغلام دستګير رحيمي کليد ته وويل، چې پېښه نن سهار د جلال اباد په رېنګ روډ سيمه کې هغه مهال رامنځته شوه، چې له تورخمه کابل ته يو تلونکى ډاټسن او له کابله تلونکى کاسټر موټر سره وجنګېدل.
په ننګرهار کې د يوې ترافيکي پېښې له امله دوه تنه مړه او ديارلس نور ټپيان شول.
د دې ولايت د ترافيکو مديرغلام دستګير رحيمي کليد ته وويل، چې پېښه نن سهار د جلال اباد په رېنګ روډ سيمه کې هغه مهال رامنځته شوه، چې له تورخمه کابل ته يو تلونکى ډاټسن او له کابله تلونکى کاسټر موټر سره وجنګېدل.
د هغه په وينا پېښې دوه ولسي وګړي پكې وژل شوي او ديارلس نور يې ټپيان دي، چې په وينا يې د ټپيانو روغتيا ښه ده.
د ترافيکو مدير د پېښې په اړه نور جزيات ورنکړل، خو بايد وويل شي، چې دا له ورستيو راهيسې په ننګرهار کې يوه له مودو وروسته مرګونې ترافيکي پېښه ده.
دلته د رامنځته شوو دې راز پېښو علت يو شمېر خلک د ترافيکي پرسونل کموالى او په جلال اباد کې د نفوسو ډېروالى په ګوته كوي، چې د دوى په وينا ښايي په وروستۍ پېښه کې ياد علتونه هم ونډه ولري.
کلید ګروپ په ټویټر او فیسبوک کې وګورئ
