د هرات ولايت په كروخ ولسوالۍ كې د دوو پېغلو نجونو جسدونه په داسي حال كې ترلاسه شول، چې د دواړو سرونه له تنې پرې شوي وو. دا دوې پېغلې نجونې، چې يوه ورځ وړاندې د هرات ولايت په كروخ ولسوالۍ
د هرات ولايت په كروخ ولسوالۍ كې د دوو پېغلو نجونو جسدونه په داسي حال كې ترلاسه شول، چې د دواړو سرونه له تنې پرې شوي وو.
دا دوې پېغلې نجونې، چې يوه ورځ وړاندې د هرات ولايت په كروخ ولسوالۍ كې د كور څخه د دعا خوانۍ په لور د يوه پير د کور په لور روانې وې، چې د لارې په اوږدو كې ترۍ تمې شوې.
د وژل شويو نجونو څخه د يوې عمر ۱۸ او د بلې هغې ۲۲ كاله ښودل شوى دى.
د هرات د والي وياند نقيب آروين كليد ته په خبرو كې د دغې پېښې پخلى وكړ او ويې ويل، چي د وژل شويو نجنو جسدونه د څېړنو لپاره د هرات ۶۰۰ بستريز روغتون ته وړل شوي، ترڅو د پېښې نور جزيات ډاګه شي.
تر اوسه د دغې پېښې مسئوليت چا پر غاړه نه دى اخيستى.
كه څه هم د ښځو پروړاندي د تاوتريخوالي په برخه كې هرات د هغو ولايتونو څخه يو دي، چې ښځې پكې ځانونه وژني او يا سوزوي، خو تراوسه هرات د داسي پېښې شاهد نه و.
کلید ګروپ په ټویټر او فیسبوک کې وګورئ
