د ننګرهار چارواکي وايي، وسله والو طالبانو يې له دوه مياشتو راهيسې د لغمان په ګړوچ سيمه کې د کابل له نغلو بند څخه جلال اباد ته د برېښنا لېږدولو مخه نيولې، خو وسله وال طالبان دا دعوه دروغ ګڼي.
د ننګرهار چارواکي وايي، وسله والو طالبانو يې له دوه مياشتو راهيسې د لغمان په ګړوچ سيمه کې د کابل له نغلو بند څخه جلال اباد ته د برېښنا لېږدولو مخه نيولې، خو وسله وال طالبان دا دعوه دروغ ګڼي.
د ننګرهار د برېښنا رئېس ريدي ګل پيمان کليد ته په يوه ځانګړې مرکه کې له نورو جزياتو پرته وويل، چې د لغمان چارواکي يې له دې کاره خبرکړي، خو پر وړاندې يې د هغوى د هڅو او غبرګون په اړه څه ونه ويل.
د لغمان چارواکي که څه هم په رسمي ډول په دې اړه له خبرو ډډه کوي، خو يوې سرچينې يې په نارسمي خبرو کې کليد ته د برېښناد رېس خبرې تائيد کړې.
د وسله والو طالبانو وياند ذبيح الله مجاهد بيا له ناڅرګند ځايه په ټليفون کليد ته دا ونه منله، چې ګواکې دوى جلال اباد ته د نغلو د برېښنا د لېږد خنډ ګرځېدلي.
مجاهد د دې ترڅنګ، چې دوى د ټولګټو چارو مخنيوى نه کوي، حکومت پر دې تورن کړ، چې په دې برخه کې د خپلو نېمګړتياوو پړه پردوى اچوي.
د ننګرهار برېښنا رياست پورته خبرې په داسې مهال کوي، چې سږ کال هم د ننګرهار او په ځانګړي ډول د جلال اباد استوګن د برېښنا د نشتوالي له امله خورا ستونزو سره مخ دي.
کلید ګروپ په ټویټر او فیسبوک کې وګورئ
