د کونړ ولايت مقام ته څېرمه نن سهار درې توغندي لګېدلي، چې د چارواکو په وينا، کوم ځاني زيان نه لري. د کونړ امنيې قومندان خليل الله ضيايي کليد ته د پېښې د پخلي ترڅنګ وويل، چې توغندي پر مرکز اسعداباد نن سهار اووه بجې شاوخوا له ناڅرګند لوري څخه راغلي، خوکومه مرګ، ژوبله يې نه ده رامنځته کړې.
د کونړ ولايت مقام ته څېرمه نن سهار درې توغندي لګېدلي، چې د چارواکو په وينا، کوم ځاني زيان نه لري.
د کونړ امنيې قومندان خليل الله ضيايي کليد ته د پېښې د پخلي ترڅنګ وويل، چې توغندي پر مرکز اسعداباد نن سهار اووه بجې شاوخوا له ناڅرګند لوري څخه راغلي، خوکومه مرګ، ژوبله يې نه ده رامنځته کړې.
د وسله والو طالبانو وياند ذبيح الله مجاهد د دې ترڅنګ، چې کليد ته په ټليفون د پېښې مسوليت پرغاړه واخېست، له شمېر ښودنې پرته يې پكې د ځاني تلفاتو دعوه هم وکړه.
کونړ، چې د بل ختيځ ولايت ننګرهار په شان پکې له دې وروستيو راهيسې د نورو ناامنيو ترڅنګ د توغنديو بريدونه ډېرشوي، ډېرکله دا پېښې ولسي مرګ، ژوبلې رامنځته کوي.
د هېرولو نه ده، چې په دواړو ولايتونو کې د هغو سيمو استوګن، چې ډېر توغندي يې شاوخوا سيمې په نښه کوي،کور پرېښودو ته اړکړي دي.
کلید ګروپ په ټویټر او فیسبوک کې وګورئ
