د ننګرهار چارواکي د دې ولايت د وروستيو ناامنيو په تور د درېيو بهرنيانو په ګډون د لسو تنو او له وسلو څخه د بار موټر د نيونې خبر ورکوي. د ننګرهار د والي وياند احمدضياعبدالزى كليد ته وويل،
د ننګرهار چارواکي د دې ولايت د وروستيو ناامنيو په تور د درېيو بهرنيانو په ګډون د لسو تنو او له وسلو څخه د بار موټر د نيونې خبر ورکوي.
د ننګرهار د والي وياند احمدضياعبدالزى كليد ته وويل، چې شپږ کورني وګړي په جلال اباد او بټي کوټ ولسوالۍ کې د ملي امنيت ځواکونو لخوا نيول شوي، چې دې کسانو خپله د يو شمېر نورو دولت ضدو هڅو ترڅنګ پربټي ولسوالۍ وروستي بريد کې لاس لرل منلي.
عبدالزى دغه راز د ملي امنيت لخوا د درېيو هغو ناڅرګندو بهرنيو وګړو د نيونې خبره هم كوي، چې په وينايې په جعلي تذکرو هېواد ته را اوښتي، خو په وينا يې، لا ښکاره نه ده، چې د دې خلکو د راتګ موخه څه وه؟
د ننګرهار د والي وياند همدا شان وايي، امنيتي ځواکونو د دې ولايت په مومند درې ولسوالۍ کې پرون سهار نهه بجې په يوه مازدا موټر کې دولس چينايي کلاشينکوفونه ، د پيکا څوارلس شاجوره او يو شمېر وسلې ترلاسه کړي او په تور يې د موټر چلوونکى نيولى.
په ننګرهار کې د دې نيونو خبر وروسته تر هغې ورکول کېږي، چې په دې وروستيو كې دې ولايت کې د ناامنيو ډېروالي پر چارواکو او امنيتي ادارو سختې نيوکې پارولې وې.
کلید ګروپ په ټویټر او فیسبوک کې وګورئ
