د هرات ولايت په رباط سنګي ولسوالۍ كې د ګډو ځواكونو پر كاروان د سړك د غاړې بمي چاودنه شوې، چې له كبله يې د ذبيح الله مجاهد په وينا لسو سرتېرو ته ته مرګ ژوبله اوښتې.
د هرات ولايت په رباط سنګي ولسوالۍ كې د ګډو ځواكونو پر كاروان د سړك د غاړې بمي چاودنه شوې، چې له كبله يې د ذبيح الله مجاهد په وينا لسو سرتېرو ته ته مرګ ژوبله اوښتې.
ياده پېښه هغه مهال رامنځته شوه چې افغان او بهرنيو ځواكونو يو كاروان له سيمې څخه د تېرېدو په حال كې و.
د يادې ولسوالۍ ولسوال محمد اصف سخا كليد سره د خبرو پر مهال د پېښې پخلى وكړ، خو له ډېرو جزياتو له وركولو څخه يې ډډه وكړه.
په سيمه كې يو عيني شاهد يو ټانګ، چې د اور لمبې ترې پورته كېدې ليدلى دى.
د وسله والو طالبانو وياند ذبيح الله مجاهد كليد ته د ټليفون په ليكه وويل، چې د بهرنيو ځواكونو پر يوه ټانګ او د ملي اردو پر يو رينجر چاودنه كړې، چې له كبله يې ۶بهرني او ۴كورنيو عسكرو ته مرګ ژوبله اوښتې ده.
يكه توت د طالبانو يو اصلي مركز بلل كېږي، چې ډيرى وخت پكې پر بهرنيو او كورنيو ځواكونو بريدونه كېږي.
کلید ګروپ په ټویټر او فیسبوک کې وګورئ
