د لغمان ولايت پر دولت شاه ولسوالۍ تېره شپه وسله والو طالبانو بريد كړى، چې چارواکي او بريد كوونكي يې د څرنګوالي او پايلو په اړه بېلا، بېلې دعوې کوي.
د لغمان ولايت پر دولت شاه ولسوالۍ تېره شپه وسله والو طالبانو بريد كړى، چې چارواکي او بريد كوونكي يې د څرنګوالي او پايلو په اړه بېلا، بېلې دعوې کوي.
د لغمان امنيې قومندان جنرال عزيز غرنى وايي، چې د دولت وسله والو مخالفينو د دولت شاه ولسوالۍ د وېشتلو په نيت درې راکټې د همدې ولسوالۍ له لېرې سيمو وېشتي، چې د ولسوالۍ مرکز ته نه دي رسېدلي .
امنيې قومندان پېښه کې تلفات نه مني او وايي په اړه يې پلټنې پيل شوي.
د وسله والو طالبانو وياند ذبيح الله مجاهد بيا له ناڅرګند ځايه په ټليفون کليد ته وويل ، چې پر دولت شاه ولسوالۍ يې ملګرو تېره شپه درنه جګړه کړې او دولتي غاړې ته يې مرګ، ژوبلې اړولې ده.
مجاهد په دې اړه نور جزيات ورنکړل او د سيمې خلکو سره په دې اړه خبرو کې پاتې راغلو.
لغمان، چې د هېواد ختيځ کې تر ننګرهار وروسته دويم نسبتا ارام ولايت ګڼل کېده، له وروستيو راهيسې يې د ولسواليو پر ودانيو داسې پېښې ډېرې شوي، چې د ځايي خلکو سختې اندېښنې يې را پارولي.
له څه مودې راهيسې د دې ولايت اليشنګ ولسوالي هم څو ځله د وسله والو طالبانو تربريد لاندې راغلې، چې چارواکو د اوس په څېر پكې د مرګ، ژوبلې دعوې ردکړي
کلید ګروپ په ټویټر او فیسبوک کې وګورئ
