په سيمه كې آيساف ځواکونو په هلمند کي د يوه طالب قوماندان د وژلو خبروركړى . د راپورنو له مخې دغه قومندان په ترهګريزو بريدونو او د ځان وژنکو په سمبالولو کې هم ستر لاس لاره
په سيمه كې آيساف ځواکونو په هلمند کي د يوه طالب قوماندان د وژلو خبروركړى .
د راپورنو له مخې دغه قومندان په ترهګريزو بريدونو او د ځان وژنکو په سمبالولو کې هم ستر لاس لاره
په هغه خبرپاڼه کې، چې د چنګاښ ١٠مه په لښکر ګاه کې د ايساف له مطبوعاتې د فترڅخه کليد ته راليږل شوې راغلي، چي وژل شوى طالب قوماندان ياسين نوميده او نن سهار وختې د لښکرګاه په شمال ختيځ کې ګډو ځواکونو له لوري وژل شوى دى.
د خبر پاڼې په وينا، دغه عمليات چې د افغان او بهرنيو ځواكونو لخوا تر سره شوي و، دوى ته پكې كوم زيان نه دى رسېدلى.
که څه هم د وسلوالو طالبانو له لوري په دي اړه څه ندي ويلي شوي، خو قاري يو سف احمدي د همدې ډلې وياند بيا وايي، چي نن سهارد هلمند په جنوبي ولسوالۍ ديشو کې، چې پاکستان ته څيرمه پرته ده، بهرنيانو ځمکني او هواېې عمليات پيل کړي دي.
د قاري يو سف په وينا، دغه عمليات د يادي ولسوالى د بحرامچي په سيمه کي ترسره شوي، چې له كبله يې ٧ تنه بهرني سرتيري وژل شوي دي.
طالب وياند د خپلو ملګرو د مرګ ژوبلې په اړه څه ونه ويل.
سيمه ييزو دولتي چارواکو او بهرنيو ځواكونو لا پدې اړه څه نه دي ويلي.
ديشو ولسوالۍ د هلمند له هغو ولسواليو څخه يوه ده، چې له تېرو څلورو کالو راهيسې د وسلوالو طالبانو په ولکه کي ده.
کلید ګروپ په ټویټر او فیسبوک کې وګورئ
