افغان او نړيوالو ځواکونو د زابل ولايت په بېلا بېلو عملياتو کې د ١٨ وسلوالو طالبانو د وژلو خبر ورکړ.د زابل د والي وياند محمدجان رسوليار رسنيو ته وويل، چې دا عمليات د شهرصفا ولسوالۍ د غشي رباط په سيمه کې د شنبې په شپه ترسره شوي دي.
افغان او نړيوالو ځواکونو د زابل ولايت په بېلا بېلو عملياتو کې د ١٨ وسلوالو طالبانو د وژلو خبر ورکړ.
د زابل د والي وياند محمدجان رسوليار رسنيو ته وويل، چې دا عمليات د شهرصفا ولسوالۍ د غشي رباط په سيمه کې د شنبې په شپه ترسره شوي دي.
د دې ولايت د امنيه قوماندانۍ کشفي مرستيال سمونمل محمدظاهر وايي، چې په عملياتو کې تر ۱۸ پورې وسلوال طالبان وژل شوي دي.
نوموړي زياته کړه، چې په وژل شويو کې د ملاعبدالرحيم په ګډون د طالبانو درې قوماندانان هم شامل دي.
ايساف ځواکونو هم په خپره شوې خبرپاڼه کې ويلي، چې په همدې شپه يې د زابل په ميزان، ترنک او جلدک سيمو کې عمليات او بمبار کړى دى .
يادو ځواكونو ويلي، چې په دې عملياتو کې يې ګڼ شمېر وسلوال مخالفين وژلي، خو کره شمېره يې نه ده ورکړې.
کلید ګروپ په ټویټر او فیسبوک کې وګورئ
