د ننګرهار هوايي ډګر ته نېږدې په بهسودو ولسوالۍ کې تېره شپه څو توغنديزو بريدونو د دوه ماشومانو د وژلو ترڅنګ څلور نور ولسي وګړي ټپيان کړل.
د ننګرهار هوايي ډګر ته نېږدې په بهسودو ولسوالۍ کې تېره شپه څو توغنديزو بريدونو د دوه ماشومانو د وژلو ترڅنګ څلور نور ولسي وګړي ټپيان کړل.
د بهسودو امنيې قومندان علم خان کليد ته وويل، د دې ولسوالۍ د خوشکنبد د قلعه رېګي سيمې پر ولسي سيمو تېره شپه يوولس بجې دوه توغندي ولګېدل ، چې د يوې کورنۍ دوه ماشومان يې ووژل او د دوو نورو ماشومانو په ګډون يې د هغوى مور او يو بل ولسي وګړى ټپيان کړل.
د ننګرهار د عامې روغتيا روغتون نوکريوال ډاکټرناصر بيا کليد ته وويل، چې پېښې دوه ماشومان وژلي او د څلورو ټپيانو له ډلې يې درې لاهم په روغتون کې دي.
د وسله والو طالبانو وياند ذبيح الله مجاهد له ناڅرګند ځايه کليد ته وويل ، چې تېره شپه يې څلور توغندي د جلال اباد پر هوايي ډګر توغولي، چې يو شمېر پوځي سيمې يې سوزولي.
په هوايي ډګر کې د ايتلافي ځواکونو مطبوعاتي ادارې بيادا خبره رد کړه.
دا لومړى ځل نه دى، چې هوايي ميدان ته څېرمه سيمو كې د ورته بريدونو پرمهال ولسي خلکو ته زيان رسيږي، تردې پخوا هم ګڼې داسې پېښې شوي ، چې د ولسي خلکو له کلکې غندنې او غبرګون سره مخ شوي دي.
کلید ګروپ په ټویټر او فیسبوک کې وګورئ
