د ننګرهار په چپرهار ولسوالۍ کې نن سهار د پوليسو پر يوې ګزمې بمي چاودنه شوې چې د چارواکو په وينا يو پوليس يې ټپي کړى.
د ننګرهار په چپرهار ولسوالۍ کې نن سهار د پوليسو پر يوې ګزمې بمي چاودنه شوې چې د چارواکو په وينا يو پوليس يې ټپي کړى.
د چپرهار ولسوال ميرزا محمد نصرت کليد ته وويل، چاودنه سهاراته بجې له سيمې څخه د پوليسو د يوې ګزمې د تېريدو پرمهال شوې او نور کوم تلفات نه لري.
د نصرت په وينا ګزمه کوونکي پوليس د همدې ولسوالۍ اړوند او پر خپلو پښو روان وو، چې له همدې امله ورته کوم مالي زيان هم نه دى اوښتى.
د وسله والو طالبانو وياند ذبيح الله مجاهد له ناڅرګند ځايه کليد ته د پېښې مسؤليت پرغاړه واخېست او پکې د دوو پوليسو او د ملي امنيت د دوو ځايي کارکوونکو د وژلو دعوه يې وکړه.
خو ځايي چارواكو د تل په څېر د طالبانو دغه دعوه بې بنسټه ګڼلې.
چپرهار، چې له وروستيو راهيسې د ننګرهار يو له ناامنو ولسواليو ګڼل کېږي، پخوا هم پکې ورته ځينې پېښې شوې وې.
کلید ګروپ په ټویټر او فیسبوک کې وګورئ
