د جلال اباد په يوه مارکېټ كې درنې اورلګېدنې د سلګونو دوکانونو د سيزلو ترڅنګ پينځه ولسي وګړي ټپيان کړل. دا اورلګېدنه چې تېرماښام اوه نېمې بجې رامنځته شوه، عيني شاهدان يې علت د جنريټري برېښنا خرابوالى ګڼي.
د جلال اباد په يوه مارکېټ كې درنې اورلګېدنې د سلګونو دوکانونو د سيزلو ترڅنګ پينځه ولسي وګړي ټپيان کړل.
دا اورلګېدنه چې تېرماښام اوه نېمې بجې رامنځته شوه، عيني شاهدان يې علت د جنريټري برېښنا خرابوالى ګڼي.
د ننګرهار د والي وياند احمد ضياعبدالزي کليد ته وويل، چې د چپلکو او قالينو مارکېټ کې دې اورلګېدنې سلګونه دوکانونه سيزلي او دوه ولسي وګړي يې ټپيان کړي.
هغه د اور وژونې ادارې لخوا د اور کابوکولو خبر هم ورکړ، خو پېښه كې د مالي تلفاتو کره شمېره روښانه نه كړه.
بلخوا د ننګرهار د عامې روغتيا روغتون د جراحۍ ډاکټر يعقوب شينواري کليد ته وويل، چې دوى ته پينځه ټپيان وروړل شوي چې د يوه روغتيا د اندېښنې وړده.
دغه اورلګېدنه چې له وروستيو راهيسې په جلال اباد کې د خپلې بڼې بېسارې پېښه ده، يو شمېر ولسي وګړي يې په مخنيوي کې حکومت ځکه پاتې ګڼي چې په وينايې د اوروژنې لازمې اسانتياوې يې نه دي برابرې کړي.
کلید ګروپ په ټویټر او فیسبوک کې وګورئ
