د ننګرهار يو شمېر استوګن په داسې حال کې خپله ولايتي اداره د ځمکو پرسر د قومي لانجو پر وړاندې بې کيفايته ګڼي چې چارواکي په روداتو ولسوالۍ کې د پرونۍ قومي نښتې د اوولسو ټپيانو روغتيا د اندېښنې وړښيى.
د ننګرهار يو شمېر استوګن په داسې حال کې خپله ولايتي اداره د ځمکو پرسر د قومي لانجو پر وړاندې بې کيفايته ګڼي چې چارواکي په روداتو ولسوالۍ کې د پرونۍ قومي نښتې د اوولسو ټپيانو روغتيا د اندېښنې وړښيى.
دغه قومي جګړه چې پرون د بهسودو د عرب قام او روداتو څو قومونو ترمنځ د يوې دښتې پرسر وشوه، د ننګرهار د امنيې قومندانۍ وياند سمونوال عبدالغفور يې د وژل شوو شمېره درې او د ټپي شوو درويشت تنه ښيى او وايي د شپږو ټپيانو روغتياد ډاډ وړده.
سمونوال غفور دغه راز د جګړه كوونكو ترمنځ د اوربند او سيمې ته د پوليسو د استولو خبرهم ورکوي.
د جګړې دواړه ښکېلې غاړې پوليس د نښتې پرمهال د خپلو مخالفينو په ملاتړ تورنوي، خو د امنيې قومندانۍ وياند بيا له نورو جزياتو پرته يوازې د منځګړتوب لپاره د پوليسو هوايي ډزې تاييدوي.
په روداتو کې د ځمکې پر سر دا قومي لانجه يوازينۍ هغه نه ده چې په ختمولو کې يې د ځايي چارواکو پاتې راتګ لسګونه تنو ته مرګ، ژوبله اړولې.
داسې پېښې له وروستيو راهيسې دې سيمه کې ډېرې ليدل شوي چې د مرګ، ژوبلې شمېر يې له سلو تنو اوړي.
بلخوا ځايي خلک ولايتي چارواکي په داسې لانجو کې د ځينو غاړو په ملاتړ تورنوي چې چارواکي يې دعوه بې ځايه ګڼي.
کلید ګروپ په ټویټر او فیسبوک کې وګورئ
