وسلوالو طالبانو په غزني ښار کې د يوې نادولتي موسسې اړوند دوه افغاني انجنيران تښتولي دي .
وسلوالو طالبانو په غزني ښار کې د يوې نادولتي موسسې اړوند دوه افغاني انجنيران تښتولي دي .
د دې ولايت د کرنې رئيس سلطان حسين عباسيار وايي، چې دغه پېښه د غزني ښار اړونده د دنګل باغ په سيمه کې رامنځته شوې ده.
هغه زياته کړه، چې د (اى سي ډي جي) په نامه د يوې نادولتي موسسې دوو انجنيرانو په ياده شوې سيمه کې د يوې کرنيزې پروژې کارکونكيو ته معاشونه وړي وو، خو د بېر ته راتګ پر مهال نادرکه شوي دي.
د غزني د امنيه قوماندانۍ کشفي مرستيال سمونوال غني د يادو شويو کسانو نادرکه کېدل تاييد کړل او ويې ويل، چې د طالبانو له خوا تښتول شوي دي .
که څه هم د طالبانو وياند په دې اړه څه نه دي ويلي، خو ځايي وسلوال طالبان بيا مني، چې دغه کسان د دوى له خوا تښتول شوي دي .
کلید ګروپ په ټویټر او فیسبوک کې وګورئ
