وسلوال طالبانو د کندوز ولايت په امام صاحب ولسوالۍ کې د اربکي ملېشو يو تن قوماندان وواژه .
د کندوز والي انجينر محمد عمر کليد سره په مركه كې دا ومنله، چې تېره شپه قوماندان عبدالستار د دولت د مخالفينو لخوا د نوموړ ولايت د امام صاحب په ولسوالۍ كې د يوه كمين په ترڅ كې ووژل شو.
دغه راز طالب وياند ذبيح الله مجاهد کليد ته په يوه پيغام کې د پيښې د مسووليت منلو ترڅنګ ويلي، چې قوماندان عبدالستار او ورسره درې تنه ساتونکې يې د يادې ولسوالۍ په علې بردي سيمه کې د يوه کمين په ترڅ کې وژلي دي.
د يادولو وړ ده چې په ياد ولايت کې تېره ورځ هم د خان اباد په ولسوالۍ کې د عامه نظم ساتلو يا ځايي مليشو يو قوماندان بلوچ له خپلو دوه تنو ساتونکو سره د يوه ماين په چاودنه كې، چې مسووليت وسلوالوطالبانو په غاړه اخيستې و، ووژل شو.
کلید ګروپ په ټویټر او فیسبوک کې وګورئ
