چارواكي وايي چې د كندوز ولايت په علي اباد ولسوالۍ كې يې له وسلوالو طالبانو څخه د بريد په ترڅ كې يوه اندازه مهمات او وسلې نيولې دي .
چارواكي وايي چې د كندوز ولايت په علي اباد ولسوالۍ كې يې له وسلوالو طالبانو څخه د بريد په ترڅ كې يوه اندازه مهمات او وسلې نيولې دي .
د کندوز ولايت امنيه قوماندان جنرال محمد رزاق يعقوبي کليد سره په خبروکې وويل: چې تېره ورځ د وسلوالو طالبانو يو ګروپ د علي اباد ولسوالي د لالاميدان په سيمه کې په دولتې او ناټو ځواکونو بريد وکړ چې په پايله کې متقابل بريد پيل شو او په وينا يې په دغه بريد کې د دولت وسلوالو مخالفينو څخه يوراکټ ، دوه کړۍ ماينونه ، يو عراده موټر سايکل، تبليغاتي پاڼې او څو سوه متره لين چې د ماينونو د الوزلو په تخنيک ورځنې کار اخيستل کيږي ، د دولت ځواکونو لاس ته ورغلې دي .
جنرال يعقوبې زياته کړه چې په دغو نښتوکې د وسلوالو طالبانو 3 تنه وژل شوي او 3 نور ېې ټپيان شوي دي .
د کندوز ولايت د والې وياند محبوب الله سعيدي وويلي چې په دغه جګړه کې د عام ولس لسګونه جريبه غنم هم سوزيدلې دي .
خو سعيدي دا په ګوته نه كړه چې دغه زيان د كوم لوري لخوا ولسي وګړيو ته رسول شوى دى.
له بل لورې د وسلوالو طالبانو يو تن وياند له يوه نامعلوم ځاي څخه د ټيلفون پرليکه کليد ته ويلې وو چې د لالاميدان په جګړه کې دوي د ناټو د دوه ټانکونو د ويجاړيدو ترڅنګ 5 سرتيرې وژلې او 2 نور يي ټپيان کړي دي، هغه خپل لور ته هرډول مرګ زوبله رد کړه .
دا په داسې حال کې ده چې په دغه لويه لاره د بغلان نه تر شيرخان بندره پورې 15 امنيتي پوستې شتون لري، خو بيا هم کله نا کله پكې ورته پيښې رامنځ ته کيږي .
کلید ګروپ په ټویټر او فیسبوک کې وګورئ
