د سرحدي پوليسو د څلورم زون قومندان جنرال ملهم وايي، تېره شپه يې امنيتي موظفينو د ايران پولې ته نږدې د راكټ ۳۴ فيره مرمۍ نيولي، چې د تخريبي عملياتو په خاطر ځاى پرځاى شوې وې.
سرحدي پوليسو تېره شپه د ايران پولې ته نږدې د مهماتو يوه ذخيره كشف او ضبط كړه.
د سرحدي پوليسو د څلورم زون قومندان جنرال ملهم وايي، تېره شپه يې امنيتي موظفينو د ايران پولې ته نږدې د راكټ ۳۴ فيره مرمۍ نيولي، چې د تخريبي عملياتو په خاطر ځاى پرځاى شوې وې.
مهلم زياته كړه، چې وسله والو غوښتل، د دغه مهماتو پر مټ په هرات ولايت كې د دولت ضد اعمال ترسره كړي.
د نوموړي په وينا، تر اوسه د دغه مهماتو په تړاو څوك نه دي نيول شوي خو پلټنې رواني دي
د يادولو وړ ده، چې له دې وړاندې هم د ايران پولې ته نږدې د مهماتو زيرمې پيدا شوي دي.
دولتي مقامات او نړيواله ټولنه ايران تورنوي، چې د دولت ضد وسله والو مخالفينو ته وسلې او مهمات وركوي، خو ايران همېشه دغه ادعاوې رد او بې بنسټه بللي دي.
کلید ګروپ په ټویټر او فیسبوک کې وګورئ
