د لغمان چارواکي تر بريد وړاندې په دې ولايت کې د يوه طرحه شوي ځانمرګي بريد د مخنيوي او په تور يې يو شمېر وسلو سره د يوه تن د نيونې خبرورکوي.
د لغمان چارواکي تر بريد وړاندې په دې ولايت کې د يوه طرحه شوي ځانمرګي بريد د مخنيوي او په تور يې يو شمېر وسلو سره د يوه تن د نيونې خبرورکوي.
د دې ولايت د والي وياند ګل رحمان همدرد کليد ته وويل چې دا موندنې يې ملي امنيت ادارې د الينګار ولسوالۍ له يوه کوره پرون ناوخته کړي.
د همدرد په خبره په دې عملياتو کې يې ځواکونو په ځانمرګي بريد کې پر کاريدونکي يوه واسکټ سربېره يو کيلو هيروين، د راکټ دوه ويېشت ګولۍ او يو شمېر وړې وسلې هم له يوه تورن سړي سره يو ځاى نيولي.
د والي وياند د نيول شوي تن هويت او د کېدونکي بريد په اړه څه ونه ويل، خو زياته يې كړه چې په اړه يې له نيول شوي تن څخه پوښتنې روانې دي.
د دولت وسله والو مخالفينو لا په دې اړه رسنيو ته څه نه دي ويلي .
لغمان چې ناامنه شوي ولايت نورستان سره ګډه پوله لري، وېل کېږي چې له هغه ځايه د ناامنيو لپاره کله، نا کله پاکستاني طالبان ورته را اوړي، خو د لغمان چارواکي بيا په دې اړه له څه ويلو ډډه کوي.
کلید ګروپ په ټویټر او فیسبوک کې وګورئ
