په کندوز کې د ميشتو جرمنې ځواکونو د مطبوعاتو افغان مسوول محمد نسيم سادات کليد ته وويل: دغه عمليات له سيمې څخه د وسلوالو طالبانو د پاکونې او د سړکونو څخه د ماينونو د لرې کولو په موخه پيل شوي.
په کندوز کې د ميشتو جرمنې ځواکونو د مطبوعاتو افغان مسوول محمد نسيم سادات کليد ته وويل: دغه عمليات له سيمې څخه د وسلوالو طالبانو د پاکونې او د سړکونو څخه د ماينونو د لرې کولو په موخه پيل شوي.
نوموړي زياته كړه وسله والو طالبانو په ياد ولايت كې د بيا رغوني او هلته د بهرنيو ځواکونو د تګ راتګ پر وړاندې خنډ جوړ كړى و.
هغه زياته کړه، چې په دې عملياتو کې امريکايان، المانيان، افغان ملي اردو، ملي امنيت او ملي پوليس ونډه لري .
د سادات په وينا، يادې ولسوالى ته ورغلي ټولې لارې د وسلوالو طالبانو له لورې په ماينونو پوښل شوي او سمهال د ماينونو پاکونه روانه ده او همدارنګه په ځينوکليو جګړه هم روانه ده .
د يادې ولسوالۍ ولسوال عبدالواحد عمرخيل كليد ته وويل: چې په عيسي خيلو کې سخته جګړه روانه ده، خو د مرګ ژوبلې په اړه يي مالومات نه لرل.
عمر خېل وويل: په دې عملياتو کې به د هوايي ځواک نه هم کار اخيستل کيږي.
د دغو عملياتو په اړه تر اوسه وسلوالو طالبانو خپل نظرنه دى څرگند كړى
کلید ګروپ په ټویټر او فیسبوک کې وګورئ
