د دولت وسله والو مخالفينو تېره شپه د لغمان په قرغيو ولسوالۍ کې د پوليسو پر يوې پوسته وسله وال بريد وكړ چې د چارواکو په وينا تلفات نه لري.
خو وسله والو طالبانو د بريد پړه يې پر غاړه اخيستې ويلي چې په بريد كې څو تنه وژل شوي دي.
د دولت وسله والو مخالفينو تېره شپه د لغمان په قرغيو ولسوالۍ کې د پوليسو پر يوې پوسته وسله وال بريد وكړ چې د چارواکو په وينا تلفات نه لري.
خو وسله والو طالبانو د بريد پړه يې پر غاړه اخيستې ويلي چې په بريد كې څو تنه وژل شوي دي.
د قرغيو ولسوال حاجي صالح محمد وويل: بريد د شپې پر درېيو بجو د دولت وسله والو مخالفيو د نجونو له يوه ښوونځي د کلاشينکوفونو په مټ کړى چې بيا د پوليسو غبرګون سره مخ شوي.
د قرغيو ولسوال وايي پېښه کې دواړه غاړې تلفات نه لري.
د وسله والو طالبانو يوه وياند ذبيح الله مجاهد بيا کليد ته په ټليفوني پيغام کې د بريد د مسوليت منلو ترڅنګ وويل بريد يې په مندروړ سيمه کې کړى او پوليسو ته پكې مرګ،ژوبله اوښتې ده.
د قرغيو ولسوالي د کابل جلال اباد پر لاره پرته ده، تر دې پخوا پکې ډېر ځله د دولت وسله والو مخالفينو د بهرنيو ځواکونو اکمالا تي کاروانونه او يو شمېر افغان چارواکي تر بريدونو لاندې راوستي وو
کلید ګروپ په ټویټر او فیسبوک کې وګورئ
