په جنوب ختيځ زون کې د ناټو ځواکونو مطبوعاتي دفتر د پکتيکا ولايت د اورګون په ولسوالۍ کې د۲۰، تنو وسله والو طالبانو د وژلو خبر ورکړي.
په جنوب ختيځ زون کې د ناټو ځواکونو مطبوعاتي دفتر د پکتيکا ولايت د اورګون په ولسوالۍ کې د۲۰، تنو وسله والو طالبانو د وژلو خبر ورکړي.
د ياد شويو ځواکونو مطبوعاتي دفتر وايې، چې د پکتيکا ولايت د اورګون-زېړوک پر لويه لاره وړمه شپه د دوي پرځواکونو د وسله والو طالبانو له لوري بريد وشو، چې دوي ته پکې زيان ندي رسېدلي او له هغه وروسته د ناټو څرخي الووتکوو، وسله وال طالبان په نښه کړل، چې د دوي په خبره ۲۰ تنه وسله وال طالبان يې ترې ووژل.
بل پلو د پکتيکا د والي وياند مخلص((افغان)) د پېښي د تاييد ترڅنګ کليد ته وويل، چې د سر روضې ولسوالۍ د سلطانو په سېمه کې وړمه شپه ۲ تنو وسله والو طالبانو چې پر لويه لاره يې ماين ځاي پر ځاي کاوه، خپل ماين پرې ورچاودلي او دواړه پکي وژل شويدي.
د يادونې وړده، چې وسله والو طالبانو تر دې دمه د دواړو پېښو په اړه رسنيوته څه ندي وييلي.
دا په داسي حال کې ده، چې وړمه شپه هم د اورګون په ولسوالي کې د سرحدي پوليسو په قرارګاه د موټربم چاودنې ترڅنګ ځانمرګي بريد کوونکيو هم حمله کړي وه
کلید ګروپ په ټویټر او فیسبوک کې وګورئ
