د ننګرهار کې د سره رود ولسوالۍ سلګونه قومي مشرانو نن په يوه خبري ناسته کې ګواښ وکړ چې که تر څلورويشتو ساعتونو د بهرنيو ځواکونو لخوا نيول شوي دوه سيمه وال يې راخوشې نه شي نو د درنو لاريونونو ترڅنګ به له دولته مخ واړوي.
د ننګرهار کې د سره رود ولسوالۍ سلګونه قومي مشرانو نن په يوه خبري ناسته کې ګواښ وکړ چې که تر څلورويشتو ساعتونو د بهرنيو ځواکونو لخوا نيول شوي دوه سيمه وال يې راخوشې نه شي نو د درنو لاريونونو ترڅنګ به له دولته مخ واړوي.
د افغانستان د سولې کاروان مشر حاجي عبدالظاهر قدير چې د دې غونډې مشري يې کوله،خبريالانو ته وويل د تېرې جمعې پرشپه د سره رود په باولۍ کې بهرنيو ځواکونو د عملياتو پرمهال د لسو ولسي وګړو د وژنې ترڅنګ دوه نور له ځانه سره ژوندي بيولي او دوى ترې وروسته حکومت ته څلورويشت ساعته وخت ورکړى و چې بايد دغه بنديان راخوشې کړي.
ظاهر قدير زياتوي چې له دې غوښتنې يې د نېمايي مودې په پوره کېدو پرحکومت بياغږ کوي چې غوښتنه يې پوره کړي کنه د ننګرهار د ټولو ولسواليو خلک به راټول او د لاريونونو ترڅنګ به له دولته مخ وګرځوي.
په دې اړه په ختيز کې دايتلافي ځواکونو مطبوعاتي ادارې او د ننګرهار چارواکو له خبرو ډډه وکړه خو پټه دې نه وي چې د تېرې جمعې پر ورځ هم سلګونه تنو په سره رود کې د يادې پېښې پرضد لاريون کړى و چې د پوليسو په ډزو يې د څوتنو د مرګ،ژوبلې خبرونه هم ورکړل شوي وو.
کلید ګروپ په ټویټر او فیسبوک کې وګورئ
