چارواکي وايي چې په خوست ښار كې يوځلې بيا نن سهار يوې بمي چاودنې پنځه تنه ملكي وګړي ټپيان كړل.
چارواکي وايي چې په خوست ښار كې يوځلې بيا نن سهار يوې بمي چاودنې پنځه تنه ملكي وګړي ټپيان كړل.
چاودنه سهار شاوخوا اته بجې د آيسكريم خوړولو په يوه دوكان كې وشوه.
د خوست امنيه قومندان مل پاسوال عبدالحكيم اسحاقزى د پېښې پخلى کړى او په اړه يې رسنيو ته ويلي چې ټپيان په روغتون كې تر درملنې لاندې دي او روغتيايي وضعيت يې د ډاډ وړ دى.
د يادولو وړ ده چې تېره ورځ هم په خوست ښار كې دوه بمي چاودنو يوكس مړ اواتلس نور ملكي وګړي، چې ډېرى يې د ښوونځي زده كوونكي وو، ټپيان كړل.
چارواكو ويلي،چې د دغو چاودنو د عاملينو د نيولو هڅې روانې دي، خو تراوسه پورې په دې ارتباط څوك نه دي نيول شوي.
کلید ګروپ په ټویټر او فیسبوک کې وګورئ
