د سره صليب نړيوالې کمېټې دهغو رپوټونو پخلي کړي چې وايي د افغانستان د بګرام په هوايي اډه کې يو بل پټ توقيف ځاى هم شته.
د سره صليب نړيوالې کمېټې دهغو رپوټونو پخلي کړي چې وايي د افغانستان د بګرام په هوايي اډه کې يو بل پټ توقيف ځاى هم شته.
سره صليب ويلي د ۲۰۰۹ کال له اګست راهيسې امريکايي چارواکي دلته د نيول شوو کسانو نومونه دوي ته په واک کې ورکوي.
۹ تنوبنديانو بي بي سي ته ويلي چې د امريکايي پوځيانو له خوا په هغه زندان کې چې دوي يې تور زندان بولي، په جلا او سړو خونو کې ساتل کېدل او له خوبه هم بې برخې کېدل.
خو امريکا پوځونو دا رد کړي چې په بګرام کې د دغو ځواکونو په پوځي اډه کې دې بل ځانګړي زندان هم وي، خو ويلي يې دي چې د زندانيانو پر حقونو به کتنه کوي.
د رپوټونو له مخې په بګرام کې شاوخوا ٦٠٠ کسان زندانيان دي چې د بشري حقونو د ټولنو په وينا له هېڅ راز قانوني حقونو نه دي برخمن.
د کابل په شمال کې د بګرام زندان چې سلګونه افغانان پکې بنديان دي ، له ۲۰۰۱کال راهيسې دامريکا په مشرۍ ايتلافي ځواکونو تر کنټرول لاندې دي.
کلید ګروپ په ټویټر او فیسبوک کې وګورئ
