ولز: کمک‌های بین‌المللی با افغانستان نیازمند یک حکومت همه شمول است

معاون وزارت امور خارجه امریکا در امور آسیای جنوبی و مرکزی می‌گوید که رهبران افغان باید پاسخگو باشند و روی یک ساختار حکومتی به توافق برسند.
الیس ولز؛ در یک تویتی نگاشته که وضعیت سیاسی کنونی در افغانستان، برای جامعه جهانی قابل قبول نیست.
وی می‌افزاید که کمک‌های بین‌المللی با افغانستان، نیازمند یک حکومت همه شمول در این کشور است.
با وجود تلاش‌های داخلی و خارجی، اختلاف‌های سیاسی میان رئیس جمهور غنی و عبدالله عبدالله که خود را رئیس جمهور حکومت همه شمول اعلام کرده است؛ همچنان ادامه دارد.
رئیس جمهور غنی می‌گوید که برای عبدالله، مدیریت پروسه صلح افغانستان را پیشنهاد کرده؛ اما عبدالله می‌گوید که ارگ، حاضر نیست خواسته‌های وی را بپذیرد.
این درحالیست که ایالات متحده امریکا، پس از ناکامی در زمینه حل اختلاف‌های سیاسی میان غنی و عبدالله، کمک‌های خود به افغانستان را یک میلیارد دالر، کاهش داد.