سفر رییس جمهور غنی به بلخ

محمداشرف غنی، رییس جمهور کشور به ولایت بلخ سفر کرد.

محمدامیری، معاون سخنگوی ارگ ریاست جمهوری، به کلید می‌گوید که صبح امروز (سه‌شنبه) رییس جمهور، در راس یک‌هیت عالی رتبه‌ی دولتی به ولایت بلخ سفر کرده‌است.

به گفته وی، قرار است رییس جمهور، در جریان این‌سفر با مسئولان ملکی و نظامی، بزرگان و متنفذین بلخ به صورت جداگانه دیدار کند.

رییس جمهور، به روز شنبه هفته‌ی جاری نیز، به هدف افتتاح میدان هوایی ولایت خوست به این ولایت سفر کرده بود.

 سفر رییس جمهور، به ولایت بلخ  در حالی صورت می‌گیرد که ناامنی‌ها در ولایت‌های شمال کشور شدت گرفته و طالبان در ده‌ها ولسوالی پیش‌روی داشته‌اند.