حمید‌الله فیضی؛ آمر تربیت بدنی و ورزش ولایت سمنگان گفت، در این رقابت‌ها که برای یک روز برگزار گردید، 100 چاپ‌انداز از مرکز و ولسوالی‌های این ولایت، اشتراک کرده بودند.
به گفته وی، در پایان این رقابت‌ها، 18 اسپ نیز برای لیگ ملی بزکشی، انتخاب شدند.
فیضی، تاکید کرد که چاپ‌اندازان ولایت سمنگان، برای اشتراک در این رقابت‌ها، آماده‌گی کامل دارند.
بر اساس معلومات ریاست عمومی تربیت بدنی و ورزش، قرار است لیگ ملی بزکشی افغانستان، به‌تاریخ 15 ماه حوت سال جاری، در کابل برگزار گردد.
