ads

محمد حنیف اتمر، به تاجیکستان رفت

محمد حنیف اتمر؛ سرپرست وزارت امور خارجه کشور به دعوت رسمی وزیر خارجه تاجیکستان، در رأس یک هیئت بلندپایه دولتی برای یک سفر دو روزه امروز ۲۷ سنبله ۱۳۹۹ عازم شهر دوشنبه – پایتخت جمهوری تاجیکستان گردیده‌است.

عبدالمالک عطش
27 سنبله 1399
محمد حنیف اتمر، به تاجیکستان رفت

در یک اعلامیه وزارت خارجه آمده است که در این سفر ، آقای اتمر با آقای امام علی رحمان؛ رییس جمهوری، قاهر رسول‌زاده؛ صدراعظم، سراج‌الدین مهرالدین؛ وزیر خارجه و سید مؤمن یتیم‌اوف؛ رییس کمیته دولتی امنیت ملی تاجیکستان دیدار و گفت‌وگو خواهد کرد.
اعلامیه می‌افزاید که در این سفر، روی تقویت هرچه بیشتر روابط دو کشور در بخش‌های امنیتی و سرحدی، ترانسپورت، سرمایه‌گذاری، تجارت و ترانزیت، و انرژی بحث صورت می‌گیرد.
در این سفر، سرپرست وزارت امور خارجه را، شماری از مقام‌های دولتی، والیان و اعضای پارلمان همراهی می‌کند.

کلیدگروپ را در تویتر و فیس بوک دنبال کنید
طراحی و توسعه توسط تکشارک - Copyright © 2020

Copyright 2020 © TKG: A public media project of DHSA