وزارت خارجه تاجکستان، می‌گوید: معاون اول نماینده ویژه امریکا برای افغانستان و پاکستان، وارد این کشور شده و دیروز ضمن دیدار با مقام‌های تاجیکستان در مورد تحولات اخیر افغانستان رایزنی کردند. وزارت خارجه تاجکستان، می‌گوید: معاون اول نماینده ویژه امریکا برای افغانستان و پاکستان، وارد این کشور شده و دیروز ضمن دیدار با مقام‌های تاجیکستان در مورد تحولات اخیر افغانستان رایزنی کردند.
براساس گزارش رسانه‌های تاجیکی و به نقل از خبرنامه‌ای وزارت خارجه این کشور، هیئت امریکایی به ریاست لارل میولر، در چهارچوب رایزنی‌های دوجانبه‌ای سالانه وارد دوشنبه شده است.
براساس این گزارش، در این دیدار که با شرکت نمایندگان مقام‌های نظامی و وزارت خارجه تاجیکستان برگزار شد، موضوع امنیت منطقه و تحولات اخیر در افغانستان مورد بررسی قرار گرفت.
سخنگوی وزارت خارجه تاجیکستان، هدف از برگزاری این دیدار را بررسی روند برقراری صلح و ثبات در افغانستان عنوان می‌کند.
با این حال، وزارت خارجه امریکا، می‌گوید: سفر میولر به تاجیکستان در چارچوب سفر هیئت بین ادارات امریکا به 5 کشور آسیای مرکزی از جمله قزاقستان، قرقیزستان، ازبکستان و ترکمنستان صورت گرفته است.
تاجکستان که در شمال با افغانستان سرحد مشترک دارد، اخیرا از افزایش تهدیدات امنیتی در ولایات شمال‌شرقی به خصوص کندز و بدخشان به شدت اظهار نگرانی کرده و نیروهای بیشتر سرحدی را در مناطق هم مرز با افغانستان مستقر کرده است.
