“زخم‌های جنرال دوستم سطحی است”

جنرال عبدالرشید دوستم، معاون اول ریاست جمهوری، روز گذشته در نتیجه یک کمین  گروه طالبان در ولسوالی غورماچ ولایت فاریاب زخم برداشت.
عبدالله عبدالله، رییس اجراییه حکومت وحدت ملی، در نشست شورای وزیران می‌گوید: “زخم‌های آقای دوستم سطحی است و معاون اول ریاست جمهوری در حال حاضر از وضعیت صحی خوب برخوردار است.”
این در حالیست که روز گذشته، کاروان نیروهای زیر قومانده جنرال عبدالرشید دوستم،  معاون اول ریاست جمهوری، در ولسوالی غورماچ ولایت فاریاب با یک کمین گروه طالبان  برخورد کرد که در نتیجه این کمین، ده‌ها سرباز اردو و پولیس افغان مشمول قوماندان برجستهِ نزدیک به معاون اول ریاست جمهوری کشته و زخمی شدند.
جنرال عبدالرشید دوستم، معاون اول ریاست جمهوری، برای چهارمین بار به هدف سرکوب طالبان مسلح به شمال کشور رفته است.
پیش از این، دوستم، رییس جمهور محمد اشرف غنی و مقام‌ها در شورای امنیت ملی را  متهم کرده بود که به وی اجازه‌ای عملیات علیه طالبان مسلح در شمال کشور داده نمی‌شود.