وزارت امور داخله با نشر خبرنامه ی گفته است که پولیس تخار، دوتن را درپیوند به قاچاق هیروئین درولایت تخار بازداشت کرده اند.
به نقل از خبرنامه، این دوتن مقدار 18 کیلوگرام هیروئین را دریک موتر جاسازی کرده بودند ومی‌خواستند آنرا از ولسوالی کشم ولایت بدخشان به ولایت کندز قاچاق نمایند، که درنتیجه عملیات کشفی پولیس، ازمعبرغربی شهرتالقان بازداشت شدند.
در خبرنامه این وزارت هم چنان آمده است که پولیس بغلان، نیز دوتن را در پیوند به قاچاق چرس در این ولایت بازداشت کرده اند.
خبرنامه می افزاید که این دوتن مقدار 25 کیلوگرام چرس را دریک عراده موتر نوع کرولا جاسازی کرده و می‌خواستند آنرا از ولایت بغلان به کابل قاچاق نمایند که در نتیجه عملیات کشفی، در ولسوالی دوشی ولایت بغلان شناسائی وبازداشت شدند.
