د كابل ښار د ۱۵مې امنيتي حوزې په مربوطاتو كې يو پوليس په ډزو وژل شوى دى.
د كابل امنيه قوماندانۍ وياند بصير مجاهد كليد ته وويل، نن سهار شاوخوا اته بجې او ۳۰ دقيقې احتمالاً پر يوه پوليس د شخصي دښمنۍ له كبله ډزې شوي او خپل ژوند يې له لاسه وركړى دى.
د نوموړي په خبره، د پېښې په تړاو د امنيتي ځواكونو له لوري دوه تنه نيول شوي او څېړنې ترې روانې دي.
دا په داسې حال كې ده، چې هېوادوال د ترور پېښو د زياتېدو له كبله اندېښمن دي او له حكومته يې د مخنيوي غوښتنه كوي.
کلید ګروپ په ټویټر او فیسبوک کې وګورئ
