د افغانستان د فوټبال غوره ليګ سياليو په دوهمه نيمه پايلوبه کې به نن ماښام د اباسين څپې او طوفان هريرود لوبډلې د لوبې ډګر ته ووځي.
تېر ماښام په لومړۍ نيمه پايلوبه كې شاهين اسمايي لوبډلې د ميوند اتلان لوبډلې ته د صفر په مقابل كې په يوه ګول ماتې وركړه او پايلوبې ته يې لار ومونده.
د نن ماښام بايلونكې لوبډله به د درېيم مقام لپاره د ميوند اتلان له لوبډلې سره ولوبېږي.
د افغانستان د فوټبال غوره ليګ سياليو پايلوبې ته راتلونكې پنجشنبې ټاكل شوې ده.
د دغه ليګ د اووم پړاو لوبډلو په لومړي ګروپ کې شاهين اسمايي، د سپين غر بازان، د اباسين څپې او موج های امو لوبډلې او په دوهم ګروپ كې عقابان هندوکش، د ميوند اتلان، طوفان هريرود او سيمرغ البرز لوبډلې شاملې وې.
کلید ګروپ په ټویټر او فیسبوک کې وګورئ