جمهور رئيس محمد اشرف غني له ټولو هېوادوالو وغوښتل، چې په راتلونكو ټاكنو كې پراخ ګډون وکړي.
نوموړي تېر ماښام په پروان كې يوې ولسي غونډې ته د وينا په مهال د ولسي جرګې او جمهوري رياست ټاکنې مهمې وبللې او د هېواد د امنيتي او دفاعي ځواکونو د دوامداره ولسي ملاتړ غوښتنه يې وکړه.
جمهور رئيس غني وويل، د جمهوري رياست د عملياتي واحد له لوري په پروان پوهنتون کې د يوې ليليې د جوړولو کار پيلېږي.
دى په پروان كې د ټرافيکي وضعيت د بشپړ مديريت او په دې اړه د کورنيو چارو وزارت د واضح طرحې غوښتونكى شو.
د هېواد جمهور رئيس د يوه لوړپوړي پلاوي په مشرۍ پروان ته د سفر په ترڅ كې يو شمېر پروژې پرانيستې او د دغه ولايت له بېلابېلو اقشارو يې وليدل.
کلید ګروپ په ټویټر او فیسبوک کې وګورئ
