د ننګرهار په خوګياڼو ولسوالۍ کې نن سهار د دولت د وسله والو مخالفينو د ځپلو په هدف د امنيتي ځواكونو تصفيوي عمليات پيل شول.
په ختيځ کې د ۲۰۱ سېلاب قول اردو مطبوعاتي مسوول محمد هارون يوسفزي د دغو عملياتو هدف سيمه له وسله والو مخالفينو پاكول او د ولسي جرګې راتلونکو ټاکنو ته بشپړه زمينه برابرول وبلل.
د هغه په وينا، دا عمليات د ملي اردو د څلورمې پلې لېوا تر مشرۍ لاندې پيل شوي دي.
يوسفزي وويل، امنيتي ځواكونو د خوګياڼو ولسوالۍ په لوخۍ سيمه کې دوه ځاى پر ځاى شوي ماينونه کشف او خنثى کړي دي.
کلید ګروپ په ټویټر او فیسبوک کې وګورئ